(29 июля 2015) Башҡортостан хаҡында йәнһүрәт төшөрөлгән. Ул «Мульти-Рәсәй» илдең төрлө төбәктәре, ҡалалары һәм халыҡтары тураһында фильмдар циклына ингән. Уны YouTube-ла проекттың рәсми каналында ҡарарға мөмкин.
Бер минутлыҡ роликта республиканың төп символдары: баҡыр, «Шүлгәнташ» ҡурсаулығы, Шүлгәнташ мәмерйәһе, нефть, Салауат Юлаев тураһында бәйән ителә.
«Мульти-Рәсәй» фильмдар циклы 2006 йылдан төшөрөлә. Һәр фильм бер минут бара. Роликтар «Пилот» студияһында пластилин технологияһы буйынса эшләнгән. Илдең рәсми булмаған видеоэнциклопедияһын тәшкил итәсәк 100-ҙән ашыу фильм төшөрөү ҡаралған.
http://www.bashinform.ru